SASABAK na ang Wheelchair Basketball Team ng Pilipinas kontra China sa isang laro ngayong araw sa 4th Asian Para Games.
Ayon kay Coach Vernon Perea, sisikapin nilang maipanalo ang Pilipinas sa nabanggit na game dahil kilala ang China na mga shooter.
Hindi naman dehado ang Pilipinas sa performance dahil sa naganap na International Wheelchair Basketball Federation Asia- Oceania Championships noong Mayo sa Thailand, nakuha ng team ang ikatlong puwesto.
Nakakuha rin ito ng dalawang silver sa men’s 3×3 at 5×5 event sa Cambodia ASEAN Para Games.
