IPAPAKITA na sa Pilipinas ang historical film ni Bea Alonzo na may pamagat na “1521: The Quest for Love and Freedom”.
Hindi pa lang idinetalye kung kailan ito mapapanood ayon sa Inspire Studios katuwang ang Viva Films.
Bago pa man ito maipakita sa Pilipinas ay may screenings na ito sa 600 theaters sa Estados Unidos noong Oktubre 2023.
Nanalo na rin ito ng apat na international awards gaya ng Best Feature Film Award sa Athens IMA Film Festival; Best Feature Film at Best Cinematography Feature Film sa Swedish Film Awards; at Best Feature Film sa London Independent Film Awards.
Sentro ang kuwento ng pelikula sa isang love story na nabuo noong 1521 kung saan bidang-bida rin ang pagiging bayani ni Lapu-Lapu sa makasaysayang “Battle of Mactan” sa Cebu.
