TULOY ang ginagawang pagtukoy sa iba pang mga bangkay na nasawi mula sa bumagsak na C-130 military air craft ng Philippine Air Force nitong linggo.
Nakiusap ang Armed Forces of the Philippines (AFP) na bigyan pa sila ng kaunting panahon agad na matukoy ang mga biktima ng tInaguriang pinakamalagim na air accident sa bansa.
Nakilala ng AFP ang nasa 19 sa 49 na nasawi sa pagbagsak ng sinasakyan nitong C-130 military air craft nitong Linggo.
Una nang naiulat na marami sa mga nasawi ay bagong graduate pa lang na sundalo, na naitalaga sana para pagtugis ng teroristang Abu Sayyaf sa Patikul, Sulu.
Narito ang listahan ng mga pagkakakilanlan ng mga sundalo:
PHILIPPINE AIR FORCE
Major Emmanuel Makalintal
Major Michael Vincent Benolerao
First Lieutenant Joseph Hintay
Technical Sergeant Mark Anthony Agana
Technical Sergeant Donald Badoy
Staff Sergeant Jan Neil Macapaz
Staff Sergeant Michael Bulalaque
Sergeant Jack Navarro
AFP MEDICAL CORPS
Captain Higello Emeterio
AFP NURSE CORPS
First Lieutenant Sheena Alexandria Tato
PHILIPPINE ARMY
Sergeant Butch Maestro
Private First Class Christopher Rollon
Private First Class Felixzalday Provido
Private Raymar Carmona
Private Vic Monera
Private Mark Nash Lumanta
Private Jomar Gabas
Private Marcelino Alquisar
Private Mel Mark Angana
Samantala, narekober na rin ang black box ng eroplano pero hinihintay pang maproseso ito kasabay nito ay ang planong pagpapadala ng dalawang recording nito sa Amerika upang matukoy ang pinakahuling naitalang komunikasyosan bago ito maaksidente.
Pero hindi pa malinaw kung gaano katagal ang magiging proseso sa pagsiyasat sa nasabing black box.
Kahapon, nauna na ring itinama ni AFP Chief of Staff Gen. Cirilito Sobejana ang mga unang balita na umabot sa 50 ang kabuuang bilang ng casualties, pero ayon sa AFP, na-double count lang ito.
Sinasabing isa ang July 4 crash ang “pinakamalagim” sa kasaysayan ng militar sa Pilipinas na nangyari nang sumabog ang eroplano habang sinusubukang lumapag.
Tiniyak ng AFP na sinisikap pa nilang makilala ang nasa 30 pang ibang bangkay, na siyang nakalagak pa rin sa Lungsod ng Zamboanga sa ngayon.
“This is a very hard task since the cadavers were beyond recognition but we have experts supporting our efforts,” pahayag ni Sobejana.
Nakikiusap pa ng kaunting panahon ang AFP sa mga kaanak ng mga hindi pa natutukoy na mga bangkay para sa ma-iturn over ang mga ito sa kani-kanilang mga kamag-anak.
BASAHIN: Imbestigasyon sa bumagsak na C-130 plane, hindi hanggang sa black box lang — former DND Chief
