BIYAHENG Japan na si Pangulong Ferdinand R. Marcos Jr. sa Pebrero 8-12 para sa isang working visit.
Sa pre-departure briefing, sinabi ni Department of Foreign Affairs (DFA) Assistant Secretary Neal Imperial na inaasahang nasa 7 key bilateral documents o agreements ang malalagdaan sa pagbisita ng Pangulo.
Kabilang aniya dito ang kooperasyon sa infra development, defense, agriculture, at information and communications technology.
Makakasama naman aniya ng Pangulo sa Japan trip sina First Lady Liza Marcos, former President Gloria Arroyo, Senate President Migz Zubiri, Speaker Martin Romualdez, at iba pang Cabinet officials.
