ITINURN-OVER ni Tipo-Tipo Mayor Arcam Istarul kay Joint Task Force Basilan Commander Brigadier General Domingo Gobway ang 6 na loose firearms na nagmula sa iba’t ibang barangay sa kanilang bayan.
Ginawa ang simple seremonya sa municipal gymnasium ng Tipo-Tipo.
Kabilang sa mga itinurn-over na baril ay ang apat na M1 Garand rifle, isang M1 Carbine, at isang Shotgun.
Isang miyembro rin ng private armed group ang isinuko ang kanyang M14 rifle.
Maliban dito, 35 baril mula sa Barangay Peacekeeping Action Teams (BPATs) at Civilian Volunteer Organizations (CVOs) ang iniharap din para sa stenciling.
Pinuri ni AFP Western Mindanao Command (WestMinCom) Commander Lieutenant General Roy Galido ang JTF Basilan sa pagpapatupad ng Small Arms and Light Weapons (SALW) program na naglalayong mabawan ang loose firearms at maiwasan ang krimen sa mga komunidad.
