ITINURN-over sa militar ni Hadji Muhtamad Mayor Arsina Nanoh ang 23 loose firearms sa Basilan.
Personal itong tinanggap nina Brigadier General Domingo Gobway, commander ng Joint Task Force Basilan; Basilan Governor Jim Hataman-Salliman; at Police Colonel Carlos Madronio, Provincial Director ng Basilan Police sa Brgy. Tausan, Pilas Island.
Kabilang sa mga itinurn-over ang (1) M16A1 rifle, (6) M1 Garand rifles, (2) M1 Carbine, (2) KG-9, (2) .38 revolvers, at (10) .45 Automatic Colt Pistols (ACP).
Ayon kay Mayor Nanoh, isinuko ang mga baril ng mga residente mula sa iba’t ibang barangay ng Hadji Muhtamad.
Pansamantalang inilagay sa kustodiya ng Joint Task Force Basilan ang mga baril para sa dokumentasyon bago i-turnover sa kampo ng militar.
Sinabi ni Brigadier General Gobway na ang pagsuko sa mga baril ay resulta ng walang humpay na kampanya kontra loose firearms kaugnay ng Small Arms and Light Weapons (SALW) program ng Pamahalaang Panlalawigan ng Basilan.
