NANANATILING ASF-free ang probinsiya ng Bohol sa gitna ng banta ng African swine fever (ASF) sa lalawigan ng Cebu na kamakailan lamang ay nagpositibo sa ASF ang mga baboy sa Carcar City.
Itinuturing ng pamahalaang panlalawigan ng Bohol ang ASF bilang isang seryosong usapin na dapat agad na solusyonan upang protektahan ang mahigit 6 na bilyong pisong hog industry na nakakaapekto sa hindi bababa sa 46,000 hog raisers ng Bohol.
Ito ay matapos na makumpirma ang kaso ng ASF sa Carcar City.
Dahil dito, ang gobernador ng Bohol na si Hon. Erico ‘Aris’ Aumentado ay agad na naglabas ng Executive Order No. 11 na nagbabawal sa pagpasok ng mga buhay na baboy, swine feeds, frozen semen at anumang pork products mula sa probinsya ng Cebu papasok sa lalawigan ng Bohol.
Sa isang naganap na pagpupulong na ipinatawag ng gobernador noong Marso 8, sa kapitolyo, kasama ang mga alkalde sa 47 munisipalidad at isang siyudad ay tinalakay nila ang mga hakbang sa pag-iingat upang hindi makapasok ang ASF sa Bohol lalo na sa mga municipalidad na may entry at exit points gaya ng mga pantalan.
“Will right now, we ordered executive order banning all the goods, process goods, pork here in Bohol. So, ibig sabihin, hindi kami papayag na may i-ship na mga pork from other provinces here in Bohol para secured talaga namin ang mga hogs namin dito,” ayon kay Gov. Aris Aumentado, Bohol.
Kasama rin sa binuong task force ang mga PNP personnel at ilang ahensiya ng gobyerno.
“Naglagay kami ng mga staff doon, mga inspectorate, nag inspect para mapigilan ang pagpasok ng mga pork, yung mga processed food to come in and mayroon din kaming mga sniffing dogs para ma-secured yung pork namin sa ASF,” aniya pa.
Pinag-usapan din sa naging pagpupulong ang direktiba ni Chief PNP General Rodolfo Azurin na tiyakin ang seguridad ng lahat ng mga government officials sa buong bansa sa pamamagitan ng pagbalasa ng mga PNP personnel lalo na sa probinsiya ng Negros Oriental, Buhol at Cebu kaugnay sa nangyaring pamamaslang kay Negros Oriental Governor Ruel de Gamo.
“Actually, it was the order of Chief PNP Azurin to secure all the government officials, not only in Bohol but the entire national. Since there was a non-sense killing and we condemn the death, the killing of a Governor Ruel Degamo. So, right now, when I arrived from Israel, I got a call from our provincial director that they will secure all the government officials, from governor, vice governor, congressman, board members, and including mayors and also the barangay, I mean also the official, LGU officials,” dagdag ng goberdanor.
Ayon kay Mayor Dave Duallo ng Buenavista Bohol na siyang LMP President sa lalawigan ng Bohol, nagkakaisa ang lahat ng mga alkalde sa lalawigan na i-konsidera ang pag re-shuffle ng mga 10 PNP personnel bawat lungsod upang masiguro ang seguridad ng mga opisyales ng gobyerno.
Kanila ring sinuportahan ang direktiba ng gobernador patungkol sa hakbang sa pag-iingat na makapasok ang ASF virus sa lalawigan sa pamamagitan ng pagbuo ng task force bawat municipalidad.
“All the mayors are united that big express concern, ah deep concerned on the re-assignment of the police personnel from their own municipalities, with average of about 10 personnel from each municipality. So, medyo ano sila concern kasi it will affect the peace and order in each municipality. So, they are appealing to the PNP National Headquarter to reconsider the reassignment and the move is supported by Governor Aris,” ayon pa kay Mayor Dave Duallo, Buenavista Bohol
“The reassignment is a national command, kung baga ang sabi daw all the PNP personnel from the province of Negros will full-out and will be replace by the PNP personnel from Bohol and Cebu,” aniya pa.
“About 300 plus will be coming from Bohol. So, yun ang mga concern ng mga municipal mayors kasi bago-bago lang yung reassignment ng mga hepe at alam natin na may mga programa ang mga municipalities involving the localities. So, talaga mahirap kung bago-bago ang mga PNP personnel from the province of Negros, it will affect also the peace, and security of our province in Bohol,” aniya pa.
Tinalakay rin sa ginanap na emergency meeting ang pagbuo ng basketball league sa buong probinsya na pinangunahan ni Governor Aris Aumentado at ng mga alkalde.
Ayon kay Mayor Duallo, mahalaga ito sa kasaysayan ng Bohol dahil ito ang ka una-unahang Basketball Governor’s Cup upang masanay ang mga kabataan sa larong palakasan at maiwas sa mga bisyo at droga.
“It will be the 1st in the history in Bohol. That there will be a Governor’s Cup, province wide. So, I think people so very excited to that. There will be launching on March 27 and the games will start in the month of April the Governor’s Cup.
The purpose there is to develop the sports basketball among the youth. Of course sports against drugs is one thing. And the purpose there is to unite all the municipalities under the leadership of Governor Aris,” saad ni Mayor Dave Duallo, Buenavista, Bohol.
Ang usaping siguridad ay hindi lamang nakasalalay sa mga opisyales ng gobyerno kundi maging sa bawat mamamayan, upang maging matagumpay ang implementasyon nito.
