NASAMSAM ng Bureau of Customs (BOC) ang nasa P1.72-M halaga ng misdeclared frozen frigate tuna sa Port of Davao.
Sinabi ng BOC na ang container na naglalaman ng tuna ay dumating kamakailan sa Davao International Container Terminal sa Panabo City, Davao del Norte at agad idineklara itong naglalaman ng frozen malt.
Ngunit matapos ang physical examination ng awtoridad, nadiskubre na nasa 2,300 na kahon ng frozen frigate tuna ang laman nito.
Ayon sa BOC, ang misdeclared frozen frigate tuna items ay hindi sakop ng Sanitary and Phytosanitary Import Clearance and lLanding permit mula sa Bureau of Fisheries and Aquatic Resources (BFAR).
