Mayo 1, 2025 – Ipinahayag ng Department of Transportation (DOTr) na magiging taunang tradisyon na ang apat na araw na libreng sakay sa MRT-3, LRT-1, at LRT-2 tuwing selebrasyon ng Labor Day bilang pagkilala sa mahalagang kontribusyon ng mga manggagawang Pilipino.
Simula Miyerkules, Abril 30 hanggang Sabado, Mayo 3, 2025, maaaring makasakay nang libre ang mga pasahero sa mga nabanggit na linya ng tren. Layunin ng programang ito na magbigay-ginhawa sa mga manggagawa at ipakita ang pasasalamat ng pamahalaan sa kanilang sakripisyo.
Ayon sa DOTr, inaasahang magiging bahagi na ito ng taunang pagdiriwang ng Labor Day, at pinaplano rin ang pagpapalawak ng ganitong mga insentibo sa iba pang sektor ng pampublikong transportasyon sa mga susunod na taon.
