HINILING ng tatlo pang prefecture sa Japan na sumailalim rin sa quasi-state of emergency.
Ang potensyal na pagpapalawak ng quasi-state of emergency sa Hokkaido, Shizuoka at Fukuoka ay nagpapakita ng pagka-alarma ng mga awtoridad sa lumalalang sitwasyon ng pandemya sa bansa.
Ang quasi-emergency ay nagpapahintulot sa mga lokal na gobernador, batay sa kanilang mga desisyon, na humiling at mag-order sa mga restaurant at bar na magsara nang maaga at ihinto o limitahan ang paghahatid ng alak.
Sa katunayan kahapon ay higit apatnapung libong kaso ng Covid-19 ang naitala ng bansa na pinakamataas na arawang kaso na naitala nito mula nang magsimula ang pandemya.
Ang mga gobernador ng Fukushima at Shimane ay nagsiwalat rin na hihilingin nila sa pambansang pamahalaan na magpatupad ng quasi-emergency sa kanilang mga lugar, na nagpapataas ng posibilidad na hindi bababa sa limang mga lugar ang idaragdag sa nasabing hakbang
