NAKAKUHA ang Armed Forces of the Philippines (AFP) ng aabot sa 75% na trust rating mula sa ginawang survey ng OCTA Research kamakailan.
Ayon sa tagapagsalita ng AFP na si Col. Francel Margareth Padilla, ang resulta ng nasabing survey ay patunay na patuloy ang tiwala ng mga Pilipino sa dedikasyon ng AFP pagdating sa pagbibigay ng seguridad sa bansa.
“The AFP attributes this high level of trust to our steadfast commitment to safeguarding the nation, upholding our constitutional mandate, and ensuring transparency and professionalism in all our operations. From external defense efforts to disaster response and peacekeeping initiatives, your AFP remains steadfast in our duty to protect the sovereignty and welfare of the Filipino people,” wika ni Col. Francel Margareth Padilla, Spokesperson, Armed Forces of the Philippines.
Maliban dito, ipinakita rin sa survey ang pagsang-ayon ng publiko sa pagganap ng AFP sa kanilang tungkulin nitong nakalipas na 4 na kwarter ng taong 2024. Tampok dito ang papel ng institusyon sa pagpapalaganap ng kapayapaan at katatagan sa gitna ng mga nagbabagong hamon sa seguridad.
Sa huli, ipinapaabot ng AFP ang kanilang pasasalamat sa matatag na tiwala at suporta ng mga Pilipino.
“The AFP expresses our gratitude for the unwavering trust and support of the Filipino people,” ani Padilla.
Dahil dito, sinabi ni Padilla na mas patitibayin pa ng AFP ang kanilang determinasyon na magsilbi ng may integridad, propesyonalismo, at hindi matitinag na dedikasyon sa bansa.
“With this, your AFP reaffirms our resolve to serve with integrity, professionalism, and unwavering dedication to the nation,” aniya.
