NAGLAAN ang pamahalaan ng P3.1 billion na pondo ngayong taon para sa airport modernization program.
Ang una kasing budget ng Department of Budget and Management (DBM) para sa programa ay nasa P2.5 billion lamang.
Ayon kay House Committee on Appropriations Vice-Chairman at Makati City Rep. Luis Campos, nilakihan ng pamahalaan ang pondo para dito para sa improvement ng aviation infrastructure ng bansa.
Gagamitin ang budget para sa P1.42-B Tacloban International Airport project, P500-M Antique Airport project, P80-M Bukidnon Airport project at ang P43-M para sa Ninoy Aquino International Airport (NAIA).
Ayon naman kay Campos, sinadya ng administrasyon na dagdagan ang budget sa aviation facility modernization bilang ang Pilipinas ay isang pulo-pulong nasyon na ang bintana para sa mga bisita ay ang mga paliparan.
‘’Airports by themselves also provide considerable direct and indirect gainful employment and economic opportunities to many Filipinos,’’ saad ni Campos.
