MAGSISIMULA na ang “Bakuna Eskwela” ng Department of Health (DOH) at Department of Education (DepEd) ngayong araw, Oktubre 7, 2024.
Ang kick-off event ay isasagawa sa Dr. A Albert Elementary School sa Sampaloc, Manila.
Sa paglilinaw ng DOH at DepEd, ang “Bakuna Eskwela” ay isang school-based immunization program na naglalayong protektahan ang mga mag-aaral laban sa measles, rubella, tetanus, diphtheria, at (Human Papillomavirus) HPV.
Partikular na kasama sa babakunahan ang mga mag-aaral mula Grade 1 hanggang Grade 7.
Orihinal na sinimulan ang programa noong taong 2015 at isinasagawa bawat Agosto ng taon ngunit nahinto ito noong COVID pandemic.
