MAINGAT na susuriin ng Philippine National Police (PNP) ang ulat hinggil sa may-ari ng dala-dalang baril ni Chao Tiao Yumol.
Sa inisyal na imbestigasyon, pagmamay-ari ng isang opisyal ng Philippine Army sa Mindanao ang dala-dalang baril ni Yumol ayon kay PNP director for operations PMGen. Val De Leon sa panayam ng SMNI News.
Sinabi naman ng naturang opisyal, 3 taon nang nawawala ang kanyang baril at para sa PNP, sisilipin nila ang records kaugnay dito kung totoo nga bang nawala o di kaya’y binenta.
Hinggil naman sa pamamaril na nangyari sa Lamitan, Basilan kung saan biktima ang ama ni Yumol, isa ang rido o clan war sa tinitingnang anggulo ng mga pulis.
Lalo pa’t ilang araw lang mula sa nangyaring Ateneo shooting ay naganap ang pamamaril sa Lamitan.
