MATAGUMPAY na naisagawa ng Mandaluyong City Fire Station, sa pangunguna ni SFO2 Christopher Cagol, shift commander ng Special Rescue Course, ang Training for Certificate of Competency bilang fire brigade sa Minimum-Security Camp, Correctional Institution for Women (CIW), Mandaluyong City na dinaluhan ng 29 na tauhan ng BuCor mula sa GSD Firefighting Division ng New Bilibid Prison, mula Setyembre 12-16, 2022.
Pinasimulan ni SF02 Cagol para sa unang-araw ang module sa Fire Safety Services, BFP Mission and Vision, Roles and Responsibilities ng isang Fire Volunteer, Introduction to the Incident Command System (ICS), at Fundamentals of Fire Suppression and Control.
Dumaan din sa matinding training and drill exercise ang mga BuCor personnel gaya ng suppression and control, rescue, emergency medical operations at iba pa.
Matapos ang matagumpay na event ay namahagi ng Certificates of Appreciation sa lahat ng BFP personnel at Certificates of Participation sa lahat ng dumalo.
