MAS pinabilis pa ng Cebu Pacific ang serbisyo para sa domestic travel ng pasahero sa paliparan sa pamamagitan ng digitalisasyon.
Sa Boracay ang destinasyon ng pamilya ni Kuya Jemer para sa kanilang summer vacation.
Ayon kay Kuya Jemer, sa online sila nakabili ng plane ticket dahil bukod sa mas nakamura, mabilis pa ang proseso.
Ang tanging hindi magandang karanasan lang aniya ay ang matagal na paghahanap sa check-in counter para sa kanilang mga bagahe dahil sa sobrang lawak ng Terminal-3 ng Ninoy Aquino International Airport (NIAA).
“Ano po yung worst experience… and it takes time,” ayon kay Jemer, Pasahero ng Cebu Pacific.
Pero sa ngayon, inihayag nina Candice Jennifer Iyog, Cebu Pacific Vice President at Maria Leonora Apostol, Vice President for Customer Service Operations ng Cebu Pacific na dahil sa mas pinabilis na serbisyo ng airline, tiyak na hindi na mahihirapan pa ang mga pasahero tulad ni Kuya Jemer at iba pang mga online passenger.
Ito’y kasunod ng itinakdang designated gate sa Terminal-3 para sa mga online passenger kung saan matatagpuan ang island-e para sa check-in process sa gagawin sa pamamagitan ng Kiosk.
“One of the things passenger flow,” ayon kay Candice Jennifer Iyog, Vice President, Cebu Pacific.
“But here kasi, if you go anywhere else” ayon kay Maria Leonora Apostol VP for Customer Service Operations, Cebu Pacific.
Ipinaliwanag din sa ngayon ay tanging domestic flight muna ang si-serbisyuhan ng island-e.
Ngunit, tiniyak ng Cebu Pacific na palalawakin pa ito para masakop ang international flights.
Digitalisasyon ng NAIA, target na maisakatuparan sa loob ng 12 – 15 buwan
Samantala, pinuri naman ni Manila International Airport Authority (MIAA) General Manager Cesar Chiong ang ginawang inisyatibo ng Cebu Pacific sa pagbibigay-serbisyo sa kanilang mga kliyente partikular na ang problema sa daloy ng mga pasahero sa paliparan.
Dagdag pa ni Chiong, ang ganitong uri ng hakbang ng airline company ay tungo sa hangarin na digitalisasyon sa bansa.
Alinsunod na rin sa mandato ni Pangulong Ferdinand R. Marcos, Jr. na mabigyan ng mabilis, kumportable at maayos na serbisyo ang mga Pilipino.
“Were going to do this customer sa NAIA, check in, second one, is the bag drop we have,” ayon kay Cesar Chiong, General Manager, MIAA.
