MAGSASAGAWA ang gobyerno simula sa susunod na buwan ng investment roadshows sa ibang bansa ayon sa Office of the Special Assistant to the President for Investment and Economic Affairs (OSAPIEA).
Ito’y matapos lagdaan ang implementing rules and regulations (IRR) ng batas na Corporate Recovery and Tax Incentives for Enterprises to Maximize Opportunities for Reinvigorating the Economy o ‘CREATE MORE’.
Layunin ng roadshows ang maipaalam sa mga foreign investor ang tungkol sa ‘CREATE MORE’ at kung paano sila makikinabang dito, paano mapapadali ang pagnenegosyo at paano mababawasan ang gastos sa pagnenegosyo.
Unang isasagawa ang roadshow sa South Korea ngayong Marso at sa Estados Unidos ngayong Abril.
Kasama rin sa may roadshow schedules ang Japan, China, Europe, at Middle East.
