INALIS na sa puwesto ni NCRPO Director PBGen. Melencio Nartatez si PCol. Allan Umipig kaugnay sa command responsibility nito sa insidente ng mistaken identity na nagresulta sa pagkamatay sa binatilyong si Jemboy Baltazar.
Sasampahan din ng kasong administratibo si Umipig dahil sa kabiguan nitong i-supervise ang nasabing operasyon bukod pa ito sa nakitang lapses sa imbestigasyon sa insidente.
Bukod kay Umipig, sibak din sa puwesto at kakasuhan ang hepe ng Station Investigation Section ng Navotas Police na si CPT. Juanito Arabejo at si CMS Aurelito Galbez, na siya namang chief clerk ng IDMS.
Ayon sa impormasyon, bigo itong magsumite ng paraffin test at hindi paghahanap at pagpreserba sa mga ebidensiya.
