MAGIGING abala si Pangulong Ferdinand R. Marcos, Jr. sa pagdalo nito sa iba’t ibang aktibidad sa 43rd ASEAN Summit sa Jakarta Indonesia.
Sa paunang schedule ng Pangulo, makikipagpulong ito sa kaniyang Indonesian Strategic Partners.
Susundan ito sa pagdalo niya sa opening ceremony ng 43rd ASEAN Summit kasama ang iba pang ASEAN Leaders.
Pati na ang ASEAN Summit Plenary Session, ASEAN-Indo-Pacific Forum, Retreat Session.
Magkakaroon din ng roundtable dialogue sa business sector ng Indonesia.
Sa kaniyang departure speech, giniit ng Presidente na iba’t ibang issue ang kaniyang isusulong sa summit.
Kasama na riyan ang karapatan ng Pilipinas sa South China Sea.
“My participation will highlight our advocacies in promoting a rules-based international order, including in the South China Sea, strengthening food security, calling for climate justice, tapping the potential of the digital and creative economies, protecting migrant workers in crisis situations, as well as combating Trafficking-in-Persons” ayon kay Pangulong Ferdinand R. Marcos, Jr.
Posible naman ang side meetings ng Pangulo sa mga kapwa nito heads of state sa sidelines ng ASEAN.
“We will foster cooperation with these countries in areas such as trade and investment, climate action, food security, clean energy, and maritime cooperation,” dagdag ni Pangulong Marcos.
Ang pagdalo dito ng Pangulo ay dahil sa imbitasyon ni Indonesian President Joko Widodo na siya ring chairman ng ASEAN ngayong taon.
