MASAYANG ibinalita ni Tourism Secretary Christina Garcia-Frasco na patuloy ang recovery ng Philippine Tourism mula sa epekto ng COVID-19.
Sa isang panayam sa San Juan City, kasabay ng selebrasyon ng ika-125 Araw ng Kalayaan ay sinabi ni Secretary Frasco na nasa 2.3 million na ang tourist arrivals ng bansa ngayong taon.
At lampas na ito sa 2022 tourist arrivals na naitala sa bansa, tanda ng patuloy na pagsigla ng turismo.
Positibo naman ang kalihim na tuluy-tuloy na ang 100% tourism recovery sa bansa lalo na ang domestic tourism sa pagpapatapos ng taon.
Samantala, kasama na sa Hop On Hop Off Bus Tour ng Department of Tourism ang mga heritage site sa San Juan kabilang na ang Pinaglabanan Shrine at ang El Deposito Underground Reservoir.
‘’We are hoping that the inclusion of the City of San Juan will be within the year as we have already done an initial launch of our Hop On Hop Off in the City of Makati to be followed by the City of Manila,’’ Ani Frasco.
