ILULUNSAD muli sa Abril 3 ang Kalinga sa Maynila PESO Job Fair.
Humigit-kumulang 2,500 job vacancies ang naghihintay para sa mga high school graduates, college level, college at tech/voc graduates na nais mag-aplay ng trabaho na mga Manelenio.
Ang Pamahalaang Lungsod ng Maynila sa pangunguna ni Manila City Mayor Dra. Honey Lacuna-Pangan sa pamamagitan ng Public Employment Service Office (PESO) – City of Manila katuwang ang Department of Labor and Employment – National Capital Region (DOLE-NCR) Manila Field Office ay malugod na iniimbitahan ang mga Manelenio na dumalo sa “Kalinga sa Maynila PESO Job Fair” sa Miyerkules, Abril 3, 2024, ganap na 8:00 ng umaga hanggang 12:00 ng tanghali.
Gaganapin ito sa P. Guevarra St., cor. Tecson St., Sta. Cruz, Manila, Brgys. 363, 364, 376, 379 at 380, District 3 ng lungsod.
Maaring magdala ang mga aplikante ng kopya ng resume, sariling ballpen at parating sumunod sa mga pinaiiral na public health protocols.
