NAPAHINTULUTAN ng Houthi rebels ang mga ship crew ng Galaxy Leader, ang barkong na-hijack nila kamakailan sa Red Sea na mai-contact ang kanilang mga pamilya.
Ayon ito sa Isle of Man, ang rehistradong may-ari ng Galaxy Maritime Limited sa isang pahayag.
Ibig sabihin anila dito, hindi hinihigpitan ng Houthi rebels ng Yemen ang kanilang hawak na ship crew.
Nobyembre 20 nang ma-hijack ng Houthi rebels ng Yemen ang barkong Galaxy Leader.
Nasa 25 ang crew members nito nang maglalayag sa Red Sea.
Nasa 17 mga Pilipino ang kasama sa mga na-hostage subalit sinabi na ng Department of Foreign Affairs (DFA) na maayos naman ang kanilang sitwasyon.
Samantala, ang Houthi rebels ay nakikisimpatiya sa Hamas na kasalukuyang may alitan sa Israel.
