MAYROON ng toll fee para sa mga motoristang dumadaan sa NLEX-SLEX Connector simula Agosto 8, 2023.
Sa Notice to Start Collection na inilabas ng Toll Regulatory Board, nasa 86 pesos ang babayaran para sa class 1 o mga kotse at SUVs.
215 pesos para sa class 2 o minivans at mga bus; habang 302 pesos para sa class 3 o malalaking truck at trailers.
Ang NLEX-SLEX connector na matatagpuan mula sa Caloocan hanggang España ay isang public-private partnership project na inaprubahan ng NEDA-Investment Coordination Committee noong 2015.
