PINASALAMATAN ni Northern Samar 1st District Rep. Paul Daza si Department of the Interior and Local Government (DILG) Secretary Benhur Abalos Jr. para sa pagbabalik sa National Treasury ng P1.2 bilyong halaga ng pondo na kuwestiyonableng inilipat sa pagitan ng dalawang ahensya.
Ayon kay Daza, ang paglilipat ng mga pondo ng inter-agency para sa proyekto ay para sana sa National Capital Region (NCR) Fiber Optic Backbone Development and Network Resiliency Project.
Aniya ito ay isang mainit na pinagtatalunan na isyu noong nakaraang taon.
Dagdag pa ni Daza na ang mga pagsisikap ni Secretary Abalos sa pakikipag-ugnayan sa MMDA ang nag-ambag sa positibong resulta.
