NANGAKO ang Japan ng P281-M na halaga ng suporta para sa ipatutupad na farm-to-school feeding project sa Bangsamoro Autonomous Region in Muslim Mindanao (BARMM).
Sa ilalim ng farm-to-school meals project ng United Nations World Food Programme na susuportahan ng Japan ay bibigyan ng masustansiyang pagkain ang mga mag-aaral sa primary school katuwang ang mga mangingisda at magsasaka sa lugar.
Tinatayang nasa 35-K ang makabebenepisyo rito.
Para kay Japanese Ambassador to the Philippines Koshikawa Kazuhiko, target nilang mabigyan ng tamang nutrisyon ang mga batang mag-aaral sa BARMM kasabay ang pagbibigay tulong din sa lokal na agri sector.
Ang Pilipinas ang kauna-unahang Asian country na kasali sa school meals coalition, isang proyekto na naglalayong suportahan ang iba’t ibang pamahalaan tungo sa pagpapaunlad ng kalidad ng pagkain ng mga kabataang mag-aaral.
