UMABOT sa P650-M smuggled agriculture goods ang nasabat ng pinagsamang pwersa ng Department of Trade and Industry (DTI), Department of Agriculture (DA), Bureau of Customs (BOC) simula Abril 2021 – Pebrero 2022.
Kabilang sa mga smuggled goods ang agricultural product na misdeclared, overused at iligal ang tangkang ipuslit sana dito sa bansa mula sa ibat-ibang lugar simula 2021 hanggang 2022.
Ayon kay DA Secretary William Dar, pinagsisikapan ng mga ahensya na makumpiska ang mga iligal na mga produkto upang maprotektahan hindi lamang ang mga magsasaka at mangingisda kundi pati na rin ang agri-fishery sektor.
Sa katunayan, mula sa kabuuan bilang na P650M, umabot sa P548.56M produkto ang nasabat mula Abril hanggang Nobyembre 2021.
Karaniwan sa mga ito ay bigas, red onions, at iba pang klase ng gulay.
MGA NAKUMPISKANG PRODUKTO SA TAONG 2021
P121.3-M – undervalued imported rice sa Cebu, Cagayan de Oro at Iloilo, April 5
P101.5 M – red onions sa Subic, July 8, 12, at 19.
P100 M – ASF-infected meat at agri-fishery products sa Navotas, May 27.
P72 M – assorted vegetables at red onions sa CDO Port, November 19.
P70 M – assorted vegetables sa Subic, November 18.
P50 M – red onions sa CDO Port, November 8 at 9.
P15 M – assorted vegetables sa Subic, October 13 and 14.
P10 M – agri-fishery products sa Calumpit, Bulacan, September 1, 2021;
P4.7 M – assorted vegetables, sa Malabon City; at 1,874 sako ng asukal sa Navotas, April 18 and 19.
Source: Department of Agriculture
Habang umabot naman sa P109M halaga ng illegal fish products ang nakumpiska mula Enero hanggang Pebrero 2022.
MGA NAKUMPISKANG PRODUKTO SA TAONG 2022:
P46 M – smuggled agri-fishery and frozen meat mula China, Feb. 8, 9, at 15.
P42 M – misdeclared fish products mula Vietnam, at cold storage sa Meycauayan, Bulacan, Jan. 31.
P 11 M – misdeclared frozen meat sa Antipolo at Quezon City, Feb. 8 at 9.
P10 M – smuggled fresh vegetables, sa Manila Int’l. Container Terminal, Jan. 21.
Source: Department of Agriculture
Kabilang sa mga nasabat na mga smuggled farm at fishery products ay mga sari-saring gulay, sakong-sakong asukal at mga frozen meat.
Samantala, pinuri naman ng DA official ang mga naging katuwang sa naturang operasyon na pinagsama-samang koponan ng Sub-Task Group on Economic Intelligence at Compliance and Regulatory Enforcement for Security and Trade Office upang patuloy na maiwasan ang smuggling at mahuli ang mga nagkasala.
Tiniyak naman ng DTI, DA at BOC na paiigtingin nila ang pagbabantay sa border ng bansa upang matiyak na hindi makapasok ang mga smuggled goods.
