ISINUSULONG ngayon ni Leyte Representative Richard Gomez ang paggamit ng earth balling machines sa bansa.
Ramdam ng buong mundo ang matinding epekto ng climate change.
Mas matitindi ngayon ang mga bagyo na ang resulta ay flashfloods at labis na mga pagbaha.
Sa ilang panig ng mundo, matinding init ng panahon naman ang nararamdaman.
Isa sa mga rason ng climate change ay ang pagkaubos ng mga kagubatan.
Sa isang privilege speech, ipinaliwanag ni Rep. Gomez ang urgency na magtanim ng maraming kahoy sa Pilipinas.
“On average, a tree absorbs 25 kilos of carbon dioxide each year. The per capita greenhouse gas for the Philippines is 1.2 tons per year—this means that just 48 trees absorb the equivalent Green House Gases of one Filipino per year. And trees do more than just absorb greenhouse gases. Trees give us shade, prevent erosion, prevent flooding, and enhance the beauty of our surroundings,” wika ni saad ni Rep. Richard Gomez, Leyte 4th District.
At para makatulong ang pamahalaan sa pagpreserba sa mga puno, iminungkahi ni Gomez ang paggamit ng Earth Balling Machines sa mga government projects.
Lalo na ‘yung mga puno na matatamaan ng government projects.
“As per DENR- “Earth Balling” is defined as – ‘the process of moving trees by digging out the earth and the roots in a circular shape, leaving most of the root system undisturbed and intact,” ayon kay Rep. Richard Gomez, Leyte 4th District.
Hindi na bago ang earth balling sa bansa ayon kay Gomez.
Katunayan, nagamit na ang mga ito sa Cebu City at Puerto Princesa sa Palawan sa mga infrastructure project.
Ngunit karamihan sa mga regional office ng DPWH, ay walang budget para dito.
Batay sa regulasyon ng pamahalaan, hindi first option ang pagputol ng punong-kahoy sa mga government project.
Last option lamang ito kapag hindi available ang earth balling.
Bagay na matutugunan kung magmo-modernize ng approach ang gobyerno.
“I also found out that if earth balling was undertaken at present, it would be done manually, which is a laborious and an expensive process. I believe that it is because of this complication, that tree-cutting permits are methodically granted to DPWH for road-widening projects,” ayon pa kay Gomez.
Kaya para malabanan ang climate change, maghahain aniya si Gomez ng panukalang batas para gawing mandatory na pagkakaroon ng earth balling machines sa lahat ng DPWH at DENR Offices.
Suporta ang panawagan niya sa mga kasamahang kongresista.
Habang may panahon pa na isalba ang mga punong kahoy na masasagasaan ng mga proyekto ng gobyerno.
“This slide shows us a video of how a tree is successfully earth-balled and replanted. Diyan makikita ninyo diyan… ‘Yan ‘yung mga klase ng earthballing machines na pwedeng gamitin kung kailangan nating ilipat ang mga puno kung meron tayong road widening programs. And it only takes about 30 minutes to ball one tree.”
“Time is of the essence. We do not have the luxury of twenty to thirty years for trees to mature. — Climate change is not coming— it is already here and we have to act now,” ani Gomez.
