PINABIBILISAN ni Pangulong Ferdinand “Bongbong” Marcos Jr. ang pagkumpleto sa mga proyektong nasimulan ng Duterte administration.
Kabilang na rito ang Metro Manila Subway, Metro Rail Transit Line 7 (MRT-7), Common Station at iba pang proyekto na nasa ilalim ng Department of Transportation (DOTr).
Ayon kay DOTr Undersecretary Cesar Chavez, inatasan ni PBBM ang kagawaran na ituloy at bilisan ang konstruksiyon ng mga nasabing proyekto.
Target namang matapos ang MRT-7 sa loob ng 2 taon habang sa 2024 o 2025 naman ang Manila to Malolos Train Project.
