IPINAPANUKALA ng isang komite ng Commission on Elections (COMELEC) ang pagbabawal ng pamamahagi ng lahat na uri ng ayuda 10 araw bago ang eleksiyon.
Sa pahayag ni COMELEC Chair George Garcia, tatalakayin na ito ng kanilang Kontra Bigay Committee sa Miyerkules, Pebrero 5, 2025. Hakbang pa rin ito ayon sa poll body para maiwasan ang pamumulitika.
Aniya, sa ngayon ay tanging ang programang Assistance to Individuals in Crisis Situation (AICS) pa lang ng Department of Social Welfare and Development (DSWD) ang ipinagbabawal 10 araw bago ang nalalapit na midterm elections.
