MAAARI nang idaan sa e-wallets ang pamamahagi ng P22.9-B na subsidiya para sa mga magsasaka ayon sa Department of Agriculture (DA).
Para sa grupong Federation of Free Farmers, maganda ang paraang ito dahil mababawasan ang korapsiyon at mas madaling mai-access ng mga magsasaka.
Sa ngayon ay hinihikayat na lang ng grupo ang DA na i-update ang ‘registry system for basic sectors in agriculture’ dahil ang mga magsasaka lang na naka-rehistro dito ang makatatanggap ng financial assistance.
Ang ipamamahaging subsidiya ay gagamitin naman ayon sa DA sa pagbili ng hybrid seeds, inorganic fertilizer, biofertilizer, at iba pa.
