PINANGUNAHAN mismo ni AFP Chief of Staff General Romeo Brawner Jr. at PAF Commanding General LtGen. Stephen Parreño ang pagkilala sa mga delegado ng Philippine Air Force (PAF) sa katatapos lang na Pitch Black 2024 sa Australia.
Kasama rin sina Secretary of National Defense Gilberto Teodoro Jr. at Australian Ambassador Hae Kyong Yu na nagpaabot ng kanilang pasasalamat sa PAF personnel sa ipinakita nitong galing at husay sa global stage.
Matatandaang, nakipagsabayan ang Pilipinas sa pinakaprestihiyosong Exercise Pitch Black 2024, na ginawa sa Australia’s Northern Territory.
Dinaluhan ito ng humigit-kumulang 4,400 personnel at 140 aircraft mula sa 20 mga bansa para sa nasabing international air combat training.
Sumali sa kauna-unahang pagkakataon ang Pilipinas gamit ang 4 na FA-50PH Fighting Eagle jets kasama ang 162 PAF members nito.
Batay sa rekord, nagawang makipagsabayan ng Pilipinas sa paglipad sa loob ng 144 hours and 46 minutes sa 61 sorties, mula sa iba’t ibang pagsasanay at misyon gaya ng Basic Fighter Maneuvers (BFM), Tactical Intercepts (TI), Dissimilar Air Combat Tactics (DACT), and Large Force Employment (LFE) missions.
Nakatuon sa air interdiction, suppression of enemy air defense, at defensive and offensive counter-air roles ang mga nakuhang kakayahan ng mga kalahok sa nasabing pagsasanay.
“Our involvement in this multinational exercise is a testament to our commitment to elevating our air combat capabilities and aligning with global standards. It also reflects our dedication to being a reliable partner in ensuring peace and security not only within our region but also on a global scale,” pahayag ni Gen. Romeo Brawner, Chief of Staff, AFP.
