GAGANAPIN ang PhilCycling National Championships sa Pebrero 5-9, 2024 sa Tagaytay City.
Ang maagang schedule ayon kay Philippine Olympic Committee President Bambol Tolentino ay para mahaba-haba ang panahon ng national coaches sa paghahanda para sa 2025 Southeast Asian Games at 2026 Asian Games.
Ang magiging qualifiers para sa National Championship ay ibabatay sa Major Domestic at Sanctioned Races 2023.
Halimbawa rito ang Philippine National Games at Batang Pinoy na gaganapin sa susunod na buwan.
