ILANG araw bago tuluyang bumaba sa puwesto si PNP chief Police General Rodolfo Azurin, Jr. ay nagpatupad ng balasahan sa ilang matataas na puwesto sa Philippine National Police (PNP).
Sa general order na pirmado ni Police Major General Robert Rodriguez, director ng personnel and records management, itinalaga ng Chief PNP si Police Brigadier General Jose Melencio Nartatez bilang acting director for comptrollership.
Ito’y kasunod ng pagreretiro sa serbisyo ni Police Major General Jesus Cambay, Jr. na dating director for comptrollership ng PNP.
Habang pinalitan ni Nartatez ni Police Brigadier General Carlito Malapit Gaces bilang regional director ng Police Regional Office (PRO)-4A.
Samantala, itinalaga rin si Police Colonel Antonio Pacis Marallag bilang acting deputy regional director for administration ng PRO-1.
Epektibo ang nasabing kautusan simula kahapon, Abril 19.
