NASABAT ng Bureau of Customs–Port of NAIA ang isang shipment ng processed chicken meat na walang sanitary at import permits noong Agosto 17, 2022.
Ayon sa BOC, sinuri din ng ahensya ang check-in baggage ng mga Vietnamese passenger na sakay ng carrier ship bago itinurn-over ang mahigit 16 kilos ng processed meat sa Bureau of Animal Industry (BAI).
Nag-isyu rin ang Veterinary Quarantine Services Office ng notice of violation laban sa importer.
Mula Enero-Hulyo 2022, nakakumpiska ang Port of NAIA ng 1,176.2 kilo ng meat products mula sa mga pasahero galing sa ibang bansa.
