INALIS sa pwesto si Police Colonel Christopher Wilan Panapan, acting provincial director ng Maguindanao Police.
Batay ito sa memorandum ni Police Brig. Robert T. Rodriguez, acting director ng Directorate for Personnel and Records Management (DPRM) na may petsang Agosto 30.
Itinalaga bilang kapalit ni Panapan si Police Colonel Roel Rullan Sermese.
Tumanggi naman si PNP Public Information Office chief Police Brigadier General Roderick Alba na kumpirmahin kung ang pag-alis kay Panapan ay may kinalaman sa pananambang sa grupo ni Police Lieutenant Reynaldo Samson, chief of police ng Ampatuan Municipal Police Station kahapon.
Samantala, patuloy ang ginagawang hot pursuit operations ng pulisya laban sa mga nasa likod ng insidente.
