ARESTADO ang provincial target drug personality matapos magsagawa ng buy-bust operation ang Philippine Drug Enforcement Agency (PDEA) at Agoo Police Station sa lalawigan.
Sa report ni PDEA RO 1 Regional Director, Director III Joel B Plaza, kay Director General Moro Virgilo Lazo, kinilala ang suspek drug personality na si Mark Lester T. Catalan, 38 anyos.
Ayon sa report ng mga operatiba, ang suspek ay naaresto nitong Abril 2, 2024 kahapon ng 5:40 pm sa Agoo, La Union.
Nasamsam sa operasyon ang dalawang piraso ng transparent plastic sachet na naglalaman ng hinihinalang shabu na tumitimbang ng mahigit-kumulang isang gramo na nagkakahalaga ng P6,800, isang mobile phone, isang unit na tricycle, cash na nagkakahalaga ng P250 at buy-bust money.
Siya ay kasalukuyang nakakulong sa PDEA RO I Detention Facility sa Camp Diego Silang, Carlatan, San Fernando City, La Union.
