MAKIKINABANG ang halos 2M elementarya at mahigit 60,000 guro at pinuno ng paaralan sa Mindanao sa Teacher Effectiveness and Competencies Enhancement Project (TEACEP).
Ayon sa World Bank, ang TEACEP ay upang mapabuti ang pag-aaral ng mga estudyante mula sa Kindergarten hanggang Grade 6 sa pamamagitan ng pagbibigay ng professional development program sa mga guro.
Aabot naman sa 110-M dolyar ang ibibigay ng World Bank para suportahan ang programa.
Ipatutupad naman ang TEACEP sa Zamboanga Peninsula, South Cotabato, Cotabato, Sultan Kudarat, Sarangani, General Santos at Bangsamoo Autonomous Region in Muslim Mindanao (BARMM).
Ang nabanggit na mga lugar ay ang area kung saan mataas ang droprates, below-average enrollment rates, at mababang performance sa pagbabasa at sa Math scores na nangangailangan ng educational improvements.
