IKINATUWA ni Sen. Alan Peter Cayetano ang pag-apruba ng Senado sa Senate Concurrent Resolution No. 21 na naglalayong bumuo ng isang President’s Cabinet Cluster for Education upang sama-samang tugunan ang learning crisis sa bansa.
Ang cluster ay inirerekomenda ng Second Congressional Commission on Education (EDCOM II), kung saan co-chair si Cayetano.
Layunin nitong pag-ugnayin ang mga ahensiya tulad ng Department of Education (DepEd); Commission on Higher Education (CHED); at Technical Education and Skills Development Authority (TESDA).
Makikipag-ugnayan din sila sa Department of Labor and Employment (DOLE); Department of Budget and Management (DBM); Department of Economy, Planning and Development (DepDev
o dating NEDA); Department of Science and Technology (DOST); at Professional Regulation Commission (PRC) upang matiyak ang maayos at magkakaugnay na pagpapatupad ng mga reporma sa edukasyon.
Ayon kay Cayetano, mahalagang magtulungan ang mga education at labor agencies upang maging makabuluhan ang edukasyon at magdulot ito ng trabaho at mas magandang buhay para sa mga Pilipino.
