ARESTADO ang isang Street-Level Individual (SLI) matapos ang buy-bust operation ng pulisya sa Barangay Agusan Pequeño, Butuan City.
Ayon kay PRO Caraga regional director Police Brigadier General Pablo Labra II, kinilala ang suspek na si Archie Almodiel, 29 taong gulang at residente ng Purok 12, Barangay Limaha, Butuan City.
Nakuha ng Drug Enforcement Unit (DEU) ng Butuan City Police Station (CPS) 2 sa suspek ang 4 gramo ng hinihinalang shabu na may estimated standard drug price na 27,200 piso.
Si Almodiel ay mahaharap sa paglabag sa RA 9165 o Comprehensive Dangerous Drugs Act of 2002.
Iginiit ni General Labra na patuloy silang nagtatagumpay sa kampanya laban sa iligal na droga kasabay ng pagsusulong ng kapayapaan at kaayusan sa rehiyon.
