NAGSAGAWA ng orientation program ang National Task Force for the Disbandment of Private Armed Groups (NTF-DPAGs) para sa mga bagong halal na local chief executives sa Region 9.
Layunin nito na mapaigting ang kanilang kamalayan at partisipasyon sa pagsisikap na mabuwag ang private armed groups upang makamit ang makatarungan at pangmatagalang kapayapaan sa Mindanao.
Nabatid na ito ang first leg ng Capacity Development and Awareness Building para sa mga bagong halal na local chief executives sa Bangsamoro Autonomous Region at Region 9-12.
Kabilang sa tinalakay sa naturang aktibidad ang threat assessment, local threat situation, updates on the normalization process, community engagement and participation, Anti-Terrorism Act of 2020, at updates on the national action plans (NAPs) to prevent and counter violent extremism (PCVE).
Ang pagbuwag sa private armed groups ay isa sa mga pagsisikap sa ilalim ng Comprehensive Agreement in the Bangsamoro (CAB) na nilagdaan ng gobyerno at Moro Islamic Liberation Front (MILF) noong 2014.
