PINAYUHAN ni Senador Ronald “Bato” dela Rosa si suspended Bureau of Corrections Director General Gerald Bantag na harapin ang kaso na isinampa ng National Bureau of Investigation (NBI) at Philippine National Police (PNP) .
Sinabi ng mambabatas, na dati na ring PNP chief, na walang dapat ikatakot si Bantag kung wala itong itinatago sa batas.
“You face the music. Face the music. If you are really innocent then you will be set free,” pahayag ni Sen. Dela Rosa.
Sakaling makulong si Bantag, sinabi rin ni Bato na maari namang ibukod ang suspended BuCor chief mula sa ibang inmates tulad ng ginawa kay Sen. Leila de Lima na nakadetine sa PNP Custodial Center.
Inabswelto naman ni Senador Bato si dating Pangulong Rodrigo Roa Duterte sa pagkakadawit sa Percy Lapid slay case.
