NANANATILING “most approved and trusted” government agency ang Technical Education and Skills Development Authority (TESDA).
Batay sa year-end survey ng Publicus Asia na isinagawa noong Nobyembre 29 hanggang Disyembre 4, 2023, 77% ang kanilang nakuhang approval rating at 61% naman ang trust rating.
Samantala, sa survey ay sumunod ang Armed Forces of the Philippines (AFP) na may 72% approval rating at 59% trust rating.
Sumunod sa ranking ang Department of Science and Technology (DOST) na may 69% approval ratings; Bangko Sentral ng Pilipinas (BSP) na may 68%; Commission on Higher Education (CHED) na may 67%; at Department of Social Welfare and Development (DSWD) na may 66%.
Kasama rin sa top 10 ang Department of Education (DepEd) na may 64% approval ratings; Department of Health (DOH) na may 64%; Civil Service Commission (CSC) na may 63%; at Department of Foreign Affairs (DFA) na may 61%.
