INANUNSIYO ni Quezon City Police District (QCPD) Director PBGen. Rederick Maranan ang pag-aresto sa limang Station Level-Most Wanted Persons noong Hulyo 30, 2024.
Kinilala ang suspek na si Reylon Quiambao, 37, residente ng Pangarap Village, Caloocan City. No 4 Most Wanted Person.
Siya ay inaresto sa Mayon St., California. Brgy. Sta Teresita, Quezon City, at may nakabinbing warrant sa kasong R.A. 9165 o ang Comprehensive Dangerous Drugs Act of 2002 na inisyu ng Branch 122, Regional Trial Court (RTC), Caloocan City.
Gayundin, inaresto ng parehong mga operatiba ang kanilang No. 5 Most Wanted Person na kinilalang si Rickyboy Villoria, 29, residente ng Brgy. Manresa, Quezon City sa kanto ng Biak na Bato St., Brgy. Manresa, Quezon City.
Ito ay inaresto ng Metropolitan Trial Court (MeTC) sa Quezon City noong Miyerkules.
Samantala, naaresto naman ng Batasan Police Station PS 6 ang No. 9 Most Wanted Person na kinilala bilang si Jimmy Costibolo, 44 na taong gulang na residente ng Old Balara, Quezon City sa C5 Road Footbridge, Road 2, Sapang Kangkong, Quezon City.
Si Jimmy ay may nakabinbing warrant para sa Attempted Murder na inisyu ng Branch 95 ng RTC.
Ang suspek ay inaresto ng Eastwood Police Station PS 12 ang No. 8 Most Wanted Person na si Dave Catantan Petiluna, sa harap ng Savemore, EDSA, Brgy. Kaunlaran Kamias, Quezon City. Ito ay may nakabinbin na warrant of arrest para sa tangkang pagpatay.
Inaresto ng Payatas Bagong Silangan Police Station (PS 13) si Lestervic Samortin, 41, No. 6 Most Wanted Person siya ay may nakabinbing warrant para sa R.A. 9165 na inisyu ng Branch 103, RTC, National Capital Judicial Region, Quezon City.
Aabisuhan ang kani-kanilang korte ng pinagmulan ng mga warrant tungkol sa pag-aresto sa mga akusado.
