NAGSAGAWA ng prisoner swap ang Russia at Ukraine kung saan nagpalitan ng mahigit 50 prisoners of war ang Russia at Ukraine.
Ayon sa Russia’s Defence Ministry, pinalaya na ng Ukraine ang 50 sundalong Ruso na nahuli sa bakbakan.
Maging sa bansang Ukraine ay pinalaya na rin ng Russia ang 48 na sundalo at 2 opisyal, kabilang na rito ang mga marino, infantrymen, at border guards.
Ayon sa Ukrainian Presidential Administration, ginagawa nila ang lahat ng makakaya para mapalaya ang mga nabihag na sundalo sa pakikipagtulungan sa coordination headquarters for the treatment of prisoners of war.
Sa ngayon ay hawak na ng Russian Defense Ministry at Ukraine Defense Ministry ang kanilang sundalo at kasalukuyang dinala na sa pagamutan upang mabigyan ang mga ito ng sapat na tulong.
