KASALI na sa tututukan ng pamahalaan sa susunod na taon ang upgrading sa mga paliparan sa Visayas at Mindanao.
Partikular na kasali rito ang New Dumaguete Airport; Tacloban Airport; Busuanga Airport; Laoag International Airport; Iloilo International Airport; Virac Airport; New Manila International Airport; Siquijor Airport; at New Zamboanga International Airport.
Kasali rin dito ang Antique Airport; Central Mindanao (M’lang) Airport; New Bohol Airport; at Bukidnon Airport.
Bagamat isasalang pa sa deliberasyon ang national budget para sa 2025, sa kabuuan, nasa P12-B ang ilalaan para sa airport upgrading na ito sa ilalim ng 2025 Aviation Infrastructure Program ng Department of Transportation.
