NANANATILING highest-rated official sa Marcos Jr. administration si Vice President Sara Duterte.
Sa ekslusibong panayam ng SMNI news kay Prof. Malou Tiquia at Founder/CEO ng Publicus Asia Inc., sinabi nito na kahit may bahagyang pagbaba ang rating ni VP Sara ay nananatili pa rin siyang may pinakamataas na trust at approval rating.
Sa latest survey, nakakuha si VP Sara ng approval na 46% at 41% na trust rating.
Hindi naman nasama sa ginawang survey ang pagbitiw ni VP Sara sa pagiging DepEd Secretary.
Samantala, bumaba sa 49% ang approval rating ni Pang. Bongbong Marcos sa North Central Luzon na kilalang balwarte ng mga Marcos.
Ang Pahayag 2024 second quarter survey ay isinagawa mula June 15 hanggang 19, 2024 na may mahigit 1,500 respondents.
