AABOT sa 17 benepisyaryo ang nakatanggap ng Pangkabuhayan sa Pagbangon at Ginhawa (PPG) ng Department of Trade and Industry (DTI).
Sa pamamagitan ng nasabing interbensiyon, ang mga benepisyaryo ay nabigyan ng pangkabuhayan na makatutulong sa kanilang pang araw-araw na pangangailangan.
Ang mga nasabing benepisyaryo ay nagmula sa tinaguriang Geographically Isolated and Disadvantaged Areas (GIDAs) na kadalasang nabibiktima ng mapanlinlang na ideolohiya ng teroristang komunistang grupo.
Ginawa ang nasabing aktibidad kasabay ng ceremonial awarding sa nakalipas na 3rd Sultan Kudarat Business Caravan sa City Mall of Isulan, Sultan Kudarat.
