NAKITAAN ng ‘probable cause’ ng panel of prosecutor’s ng Department of Justice (DOJ) ang reklamong paglabag sa Anti-Hazing Law of 2018 laban sa mga suspek sa pagkasawi sa hazing rites ng engineering student na si John Matthew Salilig.
Dahil diyan ay inirekomenda na ng DOJ na kasuhan sa korte ang mga respondents na sina:
1. Earl Anthony Osita Romero a.k.a. “Slaughter”
2. Tung Cheng Benitez Teng, Jr. a.k.a. “Nike”
3. Jerome Ochoco Balot a.k.a. “Allie”
4. Sandro Dasalla Victorino a.k.a. “Loki”
5. Michael Lambert Alcazar Ricalde a.k.a. “Alcazar”
6. Mark Muñoz Pedrosa a.k.a. “Macoy”
7. Daniel delos Reyes Perry a.k.a. “Sting’
Sabit din sa kasong isasampa ng DOJ ang iba pang mga suspek na hindi pa naaaresto.
2 counts ng kasong paglabag sa Anti-Hazing Law of 2018 ang isasampa sa korte laban sa 7 miyembro ng Tau Gamma Phi dahil sa pagkamatay ni Salilig at dahil din sa tinamong injuries ng isa pang hazing victim na si Roi Osmond dela Cruz.
