DADALO si Pangulong Ferdinand R. Marcos, Jr. sa 13 level leaders engagement sa kaniyang attendance sa 43rd ASEAN Summit sa Jakarta, Indonesia.
Simula ngayong araw ang mga ganap na dadaluhan ng Pangulo sa pagtitipon ng mga ASEAN Leader.
Una rito ay ang Opening Ceremony ng ASEAN Indo-Pacific Forum at ng 43rd ASEAN Summit Retreat Session.
Ang ASEAN Indo-Pacific Forum ay magsisilbing platform para sa ASEAN upang matalakay ang infrastructure projects at mga programa na ipatutupad sa ilalim ng areas of cooperation ng ASEAN Outlook sa Indo-Pacific.
Sa 13 leader level engagements, 12 dito ay summit sessions.
Nauna nang sinabi ni Pangulong Marcos na isusulong niya ang mga interes ng Pilipinas sa investment, climate action, food security, clean energy, at maritime cooperation sa ASEAN Summit.
