ITINANGGI ng Bureau of Fisheries and Aquatic Resources (BFAR) ang napabalitang kakulangan sa suplay ng tamban o sardinas sa wet market.
Ayon kay BFAR spokesman Nasario Briguera, ang kawalan ng isda sa ilang pamilihan ay pansamantala lamang dulot ng epekto ng bagyong Henry.
Ang tamban ay hindi kasali sa price monitoring ng Department of Agriculture (DA).
Ani Briguera ang nasabing kawalan ng sardinas ay gawa-gawa ng isang grupo para payagan ang commercial fishing sa municipal waters.
Kaugnay nito, papayagan lang ang mga commercial fishing na mangisda sa municipal waters kung may ordinansa mula sa LGUs.
